MAANA YA SEBULE – INAPASWA IWEJE?

Sebule kwa kawaida ni sehemu ya ndani ya nyumba ambayo ni maalumu kwa kupumzikia, kujumuika na kupokelea wageni.  Kuna muingiliano wa maneno haya living room – sitting room – lounge – lounge room – front room kutegemea na eneo na mabadiliko ya kitamaduni. Maana ya sebule mimi binafsi nimeiona ipo katika KUPUMZIKA, KUJUMUIKA na KUPOKEA WAGENI.  Sebule sio chumba tu cha kawaida, ni sehemu yenye sifa zake muhimu! Je, sebule yako ina hizo sifa 3?

Sifa hizo tatu za sebule zimebebwa katika mambo mawili ya kitaalamu. Hivyo unapo andaa sebule yako kabla ya kuijenga ni lazima hivi vitu viwili viaangaliwe kwa umakini. Vitu hivyo ni

  • Mpangilio na Upande ilipowekwa kuhusiana na nyumba (orientation)
  • Mandhari/ Usanifu wa ndani wa hicho chumba (interior Design)

Mpangilio na Upande ilipowekwa kuhusiana na nyumba

  • Inakaribisha vipi wageni?
    • Je upande upi ukiiweka itakuwa inakaribisha wageni kwa uzuri Zaidi
    • Je mwonekano wake (sura) yake kwa nje ya jengo unakaribisha wageni?
  • Je, Sehemu ilipowekwa ina epusha kuona maeneo mengine ya nyumba ambayo hayapaswi kuonekana?
    • Maeneo kama chooni, bafuni, vyumbani n.k. kumbuka kuwa sebuleni ndipo wageni wanapofikia
  • Mpangilio na upande ilipowekwa kuhusiana na kupokea au kukinga Jua
    • Ni muhimu kujua unataka jua lipige sebuleni au laa! Je muda gani ungependa jua liipige sebule yako? Ni upande gani wa sebule ungependa uingize jua kwa muda fulani? Hivi ni vitu vya muhimu vya kufikiria ili upate ile ladha ambayo unaihitaji.
  • Kiasi cha mwanga na Mzunguko wa hewa
    • Kiasi gani cha mwanga ungependa kiingie ndani ya sebule yako? Upande upi wa sebule ungependa usipigwe na mwanga labda kwajili ya kuweka Luninga? Pia ungependa ka-upepo kaingie hadi sebuleni? Kiasi cha mzunguko wa hewa ungependa kiweje? Pia siku hizi watu wengi wanapendelea madirisha makubwa yaliyojaa kioo mpaka maeneo ya sakafuni; wengine wanapenda sebule yenye kubarizisha upepo!
  • Mtu akiwa ndani sebuleni, anaona nini nje?
    • Pia hilo ni jambo la msingi. Kulingana na mandhari ya kiwanja chako, ungependa mtu akiwa ndani sebuleni awe anaona nini nje? Je, ni bustani, maua, mawe au chemchem?
  • Utulivu na kelele
    • Mpangilio wa sebule unategemea pia kiasi cha utulivu ambao ungependa uwepo sebuleni. Pia ni muhimu kutazama kuwa sebuleni kunazalishwa kelele kiasi gani ambazo zinaweza kuathiri shughuli nyingine katika nyumba yako, mfano chumba cha kujisomea.

Mandhari/ Usanifu wa ndani wa hicho chumba

Rangi, mwanga, unyororo, mpangilio, mpishano, kimo, mfanano, ukubwa, umbile la Sebule na vitu vyake huathiri hali za watumiaji. Mpangilio wa vitu sebuleni huleta ladha fulani.

  • Ni vizuri sebule iwe na mwanga wa kutosha, hewa ya kutosha yenye kutia hamasa
  • Ni vyema sebule iwe inachangamsha, iwe inaleta hamasa ya kukaribisha wageni, hamasa ya maongezi, iwe inaleta uhali wa kupumzika. Isiwe inachosha, inaogopesha wala kuboa!

Mpangilio wa vitu na samani mbalimbali katika sebule unaleta ladha fulani! Maumbo ya hivyo vitu hubeba maana fulani na kuathiri hali za watumiaji. Ni muhimu kuchagua vitu vyenye kuleta ladha nzuri unayotaka katika sebule yako! Kutochagua hali unayoitaka katika sebule yako ni kumaanisha kuwa unaruhusu hali yeyote ile kuathiri watumiaji wa sebule yako, ambayo inaweza kuwa hali nzuri au mbaya! Amua sasa ni hali gani unataka iathiri watumiaji wa sebule yako!

  • Ungependa sebule yako iwe inaukubwa gani?
    • Ukubwa wa sebule unategemea pia kiasi cha watu ambao watakuwa wanatumia sebule, pia kiasi cha vitu ambavyo ungependa viwepo sebuleni. Umbali kati ya kochi na kochi, umbali kati ya kochi na luninga n.k huathiri ukubwa wa sebule yako. Ukubwa wa kiwanja chako pia unaathiri ukubwa wa sebule yako. Amua ukubwa wa nyumba yako kabla ya kununua kiwanja!

Mambo machache kuhusu rangi; rangi zinaweza sababisha hisia ya utofauti kwa binadamu na wanyama mbalimbali. Kwa hiyo unachagua rangi ya kutumia kulingana na aina gani ya uhali ambao unataka kuutengeneza katika chumba chako!

Unaweza kujiuliza, Kwanini alama za barabarani zina rangi ya njano/nyeupe kwa nyeusi? Rangi huathiri watoto, wazee, wageni n.k. Inaweza leta uchangamfu, uhuru, hofu n.k.

Msukumo hafifu wa rangi upo katika bluu, urujuani (rangi za ubaridi). Rangi zenye msukumo hafifu ni nzuri hata kupaka katika eneo kubwa. Ndio maaana rangi za njee za nyumba kama vile light blue hutumika kupaka nyumba. Fikili ingekuwa vipi nyumba ingepakwa rangi nyekundu tii!

Rangi zenye msukumo wa nguvu ni kama nyekundu, machungwa (orange), zambarau (purple) (rangi za ujoto). Pia rangi inaweza kuwa ina ugiza au mg’ao. Rangi zenye ubaridi na ugiza zikipakwa juu kama dari huweza leta hisia za kutisha (threatening).

Rangi nyeupe ni neutral, nyeupe huweza leta hisia za usafi, takasa, utaratibu. Rangi Nyeupe huendana na rangi mbalimbali.

Mtu fulani alijaribu kuonesha hali na athari mbalimbali zinazotokana na rangi; Usitumie hivihivi, zinahitaji utaalamu maalumu katika kutumia.

  • Nyekundu – Nguvu, shauku, kusisimua, changamfu
  • Machungwa (orange) – sisimua, shauku, tahadhari
  • Njano – changamsha, nguvu, Jua
  • Nyeupe – Usafi, takasa, utaratibu
  • Bluu – Asili , utulivu, shwari, raha, tiifu, maji
  • Waridi (pink) – furaha, utulivu
  • Kijani – asili, amani, mwafaka, upatanifu, shwari, afya
  • Zambarau (purple) – hadhi, mamlaka, ubunifu, mafanikio

Haya chini ni mapendekezo ya wataalamu fulani kuhusiana na rangi ambayo unaweza kupaka katika vyumba vya nyumba yako. Tumia wataalamu ili wakushauri namna ya kuzitumia ili utengeneze ladha nzuri

  • Sebuleni – rangi angavu za kuchangamsha zikichanganywa na vivuli pamoja na patterns. Rangi ya mchanga (beige), hudhurungi (tan) ukichanganya na Kijani au bluu. Hapo unahitaji mtaalamu ili akuchanganyie vizuri ili ilete ladha nzuri.
  • Chumba cha wazazi – ladha ya waridi (pink) ukichanganyia na kijani mpauko au bluu mpauko. Kuleta ladha ya upendo, ndoa na furaha!
  • Chumba cha wazee – rangi za uangavu kwani macho yao yamepungua nguvu ya kuona. Pia utumiaji wa ladha za kijani au bluu huleta hisia ya utulivu na uasili!
  • Chumba cha watoto – ladha ya rangi ya bluu, urujuani na kijani. Watoto wa kike wamekuwa wakipenda ladha ya rangi waridi. Kijani na bluu inafaa pia katika chumba cha kusomea!
  • Chumba cha maombi – Rangi zenye kuleta utulivu, rangi vivuli za bluu, urujuani, kijani
  • Chumba cha chakula – rangi zenye kuleta hamu ya kula kama rangi machungwa, nyekundu
  • Jikoni – rangi za usafi kama nyeupe
  • Bafuni – rangi za usafi kama nyeupe, grey ukichanganya na ladha ya kijani

Tumia samani, kuta, mimea maalumu, mapazia n.k katika kubeba rangi ambazo umekusudia.

Ni vyema kutengeneza sebule yako katika uzuri wake huku ukikumbuka kuwa sebule ni sehemu ya kupokelea wageni, kupumzikia na kujumuikia. Usisite kuwasiliana na wataalamu wako ili wapate kukusaidia kupata sebule yenye ubora wake.

ID-17851
3
159 sqm
109 Pcs
14 m
2,846 Pcs
14 m
1,415 Pcs
ID-21735
3
229 sqm
94 Pcs
17 m
5,496 Pcs
17 m
2,038 Pcs
ID-19237
0
60 sqm
25 Pcs
11 m
1,444 Pcs
6 m
536 Pcs
ID-15336
5
440 sqm
125 Pcs
19 m
8,921 Pcs
16 m
2,266 Pcs
ID-14974
4
266 sqm
115 Pcs
22 m
5,000 Pcs
16 m
2,500 Pcs
ID-7823
3
84 sqm
65 Pcs
12 m
1,200 Pcs
9 m
645 Pcs
ID-16646
4
250 sqm
172 Pcs
20 m
4,475 Pcs
16 m
2,225 Pcs
ID-19791
4
167 sqm
115 Pcs
14 m
2,989 Pcs
14 m
1,486 Pcs
ID-15370
4
255 sqm
175 Pcs
20 m
4,565 Pcs
17 m
2,270 Pcs
ID-22570
4
213 sqm
146 Pcs
21 m
3,804 Pcs
12 m
1,891 Pcs
ID-13471
2
72 sqm
61 Pcs
10 m
1,389 Pcs
8 m
514 Pcs
ID-13085
4
220 sqm
152 Pcs
18 m
2,794 Pcs
17 m
1,345 Pcs
Makazi Icon Blue

Join Membership

Join Membership to See Clear Floor Plans Before You Buy the Full Plan; See How Much MONEY is Needed to INVEST in Your Business In order to Get the Profit to Finance Construction of This House. What MORTGAGE to Borrow and Return Monthly to Your Bank. Also, See How Much it COSTS to Build the Foundation, Walling, Roofing, Ceiling, Painting, Doors, Windows… in All of Our Houses on This Platform so That You Can CHOOSE, COMPARE, PLAN & STRATEGIES on How to Approach Your Construction Rightly!